Hoxe é Luns 27 de Setembro de 2021
History
Stations
NOTHING FOUND!

A poesía invade San Simón

RR_Noticias

A illa de San Simón alberga ata o vindeiro sábado 24 de outubro a poesía de 7 creadores procedentes doutros tantos países dentro do IV Obradoiro Internacional de Tradución Poética con Barqueira e remador que coordina a poeta Yolanda Castaño. Unha cita que reunirá  á  iraniana afincada en EE UU Sholeh Wolpé,  á  israelí Tal Nitzán ou  o xaponés Yotsumoto… Unha actividade que se completará  con recitais poéticos multilingües, un dos cales terá  lugar o venres 23 no Multiusos de Redondela ás 21:00 horas.

A iraniana afincada en California Sholeh Wolpé, a israelí Tal Nitzán, o xaponés Yasuhiro Yotsumoto, o macedonio Nikola Madzirov, o catalán Josep M. Rodríguez e a galega EstíbalizEspinosa e o ucraíno Ostap Slyvynsky serán os protagonistas do Obradoiro Internacional de Tradución Poética, unha cita que chega á súa cuarta edición e que de novo terá a San Simón, berce simbólico da poesía galega, como epicentro.
O sete autores son relevantes tradutores e á vez algunhas das plumas máis recoñecidas das súas respectivas literaturas, como lembran os responsables deste ciclo que se celebra dende o luns día 19 ao 24 deste mes na illa de San Simón, aínda que incluirá outras actividades pensadas para achegar esta literatura a todos os públicos.
Celebraranse recitais poéticos multilingües na Casa dá Luz, na pontevedresa praza da Verdura, o próximo día 21; no Charenton Club Cultura de Vigo o día 22 e, ao día seguinte, no Multiusos da Xunqueira en Redondela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *