Hoxe é Mércores 28 de Outubro de 2020

Arranca o ano Rita Otero, unha muller que “fixo da caridade o seu lema de vida”

RR_Noticias

O descubrimento dunha placa no Pazo de Petán, casa da familia Regojo e unha ofrenda floral na capela existente no propio inmoble serviron para dar inicio aos actos que durante todo este ano van lembrar e homenaxear a figura de Rita Otero Fernández (1902-1956), unha muller nomeada Persoeira do ano 2014.

Durante todo o ano e seguindo a senda dos seus predecesores con esta distinción, o avogado e intelectual Casto Sampedro e o médico e político republicano Alejandro Otero, a Concellería de Cultura desenvolverá diferentes actividades co obxectivo de dar a coñecer a vida de Rita Otero, a que fora esposa do industrial José Regojo e de quen se destaca, como se pode ler na placa xa instalada no Pazo de Petán que “fixo da caridade o seu lema de vida”. O acto celebrado o sábado na casa familiar contou cunha nutrida representación política pero tamén numerosos veciños que se achegaron para acompañar á familia nos actos programados e que incluíron unha ofrenda floral na capela existente na vivenda. Ademais do seu neto, José Antonio Marques de Magallanes, que se emocionou ao lembrar á súa avoa, puxo a voz neste acto un dos seus fillos, Pedro Regojo, quen salientou o “profundo espírito relixioso, a valentía e a audacia” de Rita Otero. Repasou a biografía da súa nai lembrando que nos anos da posguerra “anos duros pola pobreza e falta de liberdades” Rita Otero non dubidou, malia non ser politicamente correcto, en visitar aos presos de San Simón levándolles “comida, roupa e sobre todo esperanza” así  como tampouco dubidou en axudar ás súas familias. Unha muller que definiu como “intelixente aínda que non intelectual, cunha vontade de ferro e moi xenerosa”. Interviu tamén neste acto o alcalde de Redondela Javier Bas, quen fixo fincapé no obxectivo deste recoñecemento: dar a coñecer a figura de moitos redondeláns cun peso importante na historia de Redondela para que a súa vida e obra non quede no esquecementos. Engadía que “non hai pobo máis sabio que o que da a coñecer a súa historia e tradición e fai todo o posible por conservar o nome dous seus protagonistas”. Neste sentido quixo lembrar tamén a figura de Rita Otero de quen destacou o seu espírito caritativo e que fora ela quen fixo posible que a empresa téxtil Regojo se asentara no noso concello. Os actos que arrancaban esta fin de semana prolongaranse durante todo o ano con exposicións que sirvan para espallar a súa figura entre os veciños da vila, segundo explicou o concelleiro de Cultura Julio Alonso  

Pedro Regojo fillo de Rita Otero
Falou da súa nai como unha muller cun profundo espírito relixioso valente e a audaz
Javier Bas alcalde
Un recoñecemento para dar a coñecer a figura dos homenaxeados
Julio Alonso edil de cultura
O Concelleiro éxplicaba en que consistirán os actos ao longo do ano

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *