Damos a benvida ao espazo ‘Outro mundo é posible’ onde nos centramos en problemáticas medio ambientais e sociais. Hoxe contamos con Raquel Fernández, socia da asociación Amigas da Terra, para falar da Campaña Acende a Enerxía Comunitaria lanzada pola Colación pola Enerxía Comunitaria. Aproveitando que o 5 de xuño é o día do Medio Ambiente imos falar desta iniciativa e dos seus obxectivos.
Coa campaña Acende a Enerxía Comunitaria a Coalición busca concienciar á cidadanía sobre a urxencia de multiplicar as comunidades enerxéticas por toda a xeografía española. Para este fin están a solicitar firmas para esixir ao Goberno un maior apoio para a creación destas comunidades, tanto no seu financiamento como no asesoramento necesario para que a cidadanía as impulse. Así mesmo, propoñen eliminar as barreiras na distribución e os trámites burocráticos que, de facto, impiden o avance necesario das comunidades enerxéticas.
