Un club que traballa en novos proxectos, como poñer en marcha un equipo de veteranas, equipo que arrancou xa cos seus primeiros adestramentos e que é un exemplo do cambio social das últimas décadas “algo impensable décadas atrás que foran os pais os que quedan cos fillos mentres elas van adestrar, amosa que a mentalidade cambiou para ben nos últimos anos”.
A súa aposta persoal é seguir co espírito do club: traballar coa canteira e que os equipos seniors estean formados polo maior número posible de xogadores e xogadoras procedentes da base.
