Susana Villaverde García, veciña de Chapela, estuda Dirección e Dramaturxia na Escola Galega de Arte Dramática de Galicia (ESADg). Vén de gañr a terceira edición do Certame de Microteatro dá Memoria convocado polo departamento de Memoria Histórica da Deputación de Pontevedra e a ESAD.
A súa obra “Espigas negras” fala dun feito real, unha revolta de mulleres no Saviñao en 1946 na defensa do gran de centeo que precisaban para comer e dar de comer ás súas familias, así como a súa relación coa loita guerrilleira e a resistencia ante o réxime e os abusos da Garda Civil.
Conversamos con Susana Villaverde sobre o seu proceso creativo e a súa ollada íntima e feminista coa que incorporou na obra elementos da súa vida persoal e a historia da súa familia.
