O IES Chapela acolle o vindeiro día 11 de outubro a presentación da Escola de Familias. Un espazo para que nais, pais e mestres poidan aprender técnicas coas que “guiar” no seu camiño a nenas, nenos e adolescentes. Patri Do Camiño explica que se trata de dar “ferramentas ás familias” para mellorar a súa relación cos menores baseándose na intelixencia emocional. Na presentación participará o psicólogo Daniel Novoa, especialista en infancia e adolescencia. As actividades comezaron o curso pasado por iniciativa da ANPA do CEIP Laredo, e neste curso participan todos os centros educativos de Chapela, pero están abertas a familias de toda a contorna. A Escola de Familias desenvolveranse ao longo de todo o curso, un sábado ao mes. As actividades son de balde e precisan inscrición previa.
Onda Torrella: Pedro Pérez vilas
Nesta nova entrega de Onda Torrella, conducido por Fon Conde, contamos con Pedro Pérez Vilas, músico redondelán. Unha conversa estilo podcast chea de anécdotas da escena musical de Redondela nos