Hoxe é Xoves 29 de Setembro de 2022
Stations
NOTHING FOUND!
Current listeners: 
Peak listeners: 

Rouban céspede do campo de fútbol de Chapela

Campo de Fútbol de Chapela

O Chapela Club de Fútbol foi obxecto dun roubo. Non se trata de cartos ou material deportivo, senón dun anaco de céspede do propio campo, uns 20 metros cadrados, aproximadamente. Desde o club agradecen a colaboración cidadá para dar co autor ou autores deste feito. Advirten que non se trata dun acto de vandalismo nin unha “gamberrada”, xa que o céspede foi perfectamente cortado e cunhas medidas ben definidas. O anaco que falta está entre a liña que delimita o rectángulo de xogo e o final do terreo, un rectángulo de 10,20 metros de longo por 2 metros de ancho.

Desde o Concello lamentan o sucedido no Campo de Fútbol de Chapela, propiedade da Comunidade de Montes “e prestará a súa colaboración para dar coa persoa ou persoas responsables dos feitos”. A alcaldesa Digna Rivas chama tamén á colaboración cidadá “para poñer en coñecemento da Policía Local, Concello ou Comunidade de Montes, calquera pista que poida conducir á identificación do autor ou autores de tan lamentables feitos”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará