Hoxe é Xoves 29 de Setembro de 2022
Stations
NOTHING FOUND!
Current listeners: 
Peak listeners: 

A mocidade fai voluntariado na illa de San Simón con traballos de conservación

CampovoluntariadoillaSansimon (2)

Durante dúas semanas 14 mozos e mozas de entre 18 e 30 anos están a realizar obradoiros, estudos das especies autóctonas e proxectos das propias instalacións da illa. Mañá venres rematará a súa estadía en San Simón, onde realizan visitas teatralizadas amosando de forma lúdica o seu pasado e presente. Ademais, catalogan as especies vexetais, instalan carteis interpretativos en formato “QR” e realizan tarefas de apoio nas actividades culturais que se levan a cabo nas instalacións. Así mesmo, os participantes levan a cabo actividades complementarias como a iniciación aos deportes náuticos, ao baile tradicional, estudo dos usos e costumes de pesca da zona, así como talleres interxeracionais con perspectiva de xénero coas mariscadoras locais. Trátase dun dos campamentos de voluntariado organizados pola Xunta de Galicia.

Viaxes á Illa de San Simón

O Concello de Redondela promociona viaxes á illa de San Simón ao longo do mes de agosto. A primeira saída será mañá venres ás 16.30 horas desde o Porto de Cesantes. O sábado día 13 e o domingo 14 haberá unha saída de mañá, ás 11.30 desde o Museo Meirande, e outra de tarde ás 16.30 desde Cesantes. O luns 15 de agosto, o sábado día 20 e o domingo 21 as viaxes serán ás 16.30 horas desde o peirao de Cesantes. O percorrido ten unha duración de dúas horas, unha pola enseada e outra na illa. O prezo é de 8 euros por persoa, 4 euros para nenos e nenas de 5 a 12 anos. As reservas poden facerse na web de Cuceros Ángel.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará