Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

AER intervén no control dun vertido en Cesantes

vertido redodnela

A Agrupación de Electores de Redondela denuncia que o Goberno municipal ten constancia, desde hai xa tres semanas, da aparición periódica dun vertido na praia de Cesantes e que non ten actuado para solucionalo nin para averiguar a súa procedencia. Ante esta situación, membros de AER, logo de ser informados por un veciño da zona, presentaron durante o mes de xuño na Concellería de Medio Ambiente varias denuncias alertando da presenza de espuma ao longo da praia. Tamén, nesa ocasión, deron aviso ao 112 e á Policía Local.

Explican dende a Agrupación que malia ter aberto a concellería de Medio Ambiente un expediente, “o certo é que ninguén se achegou á praia, nin se puxo en marcha o protocolo de actuación correspondente”.

Como consecuencia da inacción do goberno de Digna Rivas, responsables da agrupación trasladáronse o pasado xoves, 30 de xuño, á zona e observaron que a praia estaba de novo afectada polo que avisaron ao 112 e deuse traslado a Salvamento Marítimo que está a investigar o suceso.

Segundo AER, “esta situación deixa constancia da incompetencia da actual Concellería de Medio Ambiente de Redondela e da falla de persoal especializado”. “En lugar de prorrogar o servizo -continúa Villar- do técnico medioambiental durante o exercicio 2022, o Concello preferiu contratar tres electricistas, e aínda non cubriron a praza do Policía de Medio Ambiente que leva un ano de baixa”.

AER pide ao Goberno que asuma a súa responsabilidade nos continuos verquidos da praia de Cesantes e que esixa que se investigue se se trata dunha industria da Enseada.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará