Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

O Concello inicia o proceso para a creación do Museo Ángel Barros

angel barros

A alcaldesa, Digna Rivas, visitou a casa do pintor e restaurador redondelán, Ángel Barros para facerlle entrega da documentación precisa para iniciar o proceso de doazón da obra do artista ao pobo de Redondela. Este é o primeiro paso para a creación dun proxecto museístico coa obra de Barros edar así cumprimento ao acordo plenario no que todos os grupos políticos apoiaron esta medida promovida por varias asociacións locais.

Durante a visita á vivenda de Ángel Barros no Camiño do Cadaval, Rivas coñeceu con detalle o fondo pictórico do pintor e restaurador quen explicou a rexedora local, polo miúdo, os proxectos nos que está traballando e os detalles do proceso. Amais amosoulle numerosos cadros de pintores como O Greco, Velázquez, Rubens ou Vermeer, algúns deles expostos en pasadas exposicións feita en Redondela.

“A obra de Ángel Barros debe ser difundida e exposta como parte importante do patrimonio artístico redondelán”, afirmou Digna Rivas quen expresou ao artista “que a esta primeira iniciativa segurián outras como a catalogación da obra do pintor e a creación dun museo de acordo do propio artista”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará