Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

O IES Pedro Floriani abre o prazo de matrícula para cursar o Bacharelato de Artes en Redondela

pedro

As persoas interedasas deberán formalizar a súa solicitude entre o 3 e o 9 de maio. No caso de haber alumnado suficiente, impartirase en quenda de maña e, para adaptar os espazos do instituto, realizaranse as obras pertinentes durante o verán

A Consellería de Cultura, Educación e Universidade vén de abrir o prazo de inscrición para o alumnado interesado en cursar o vindeiro curso o novo Bacharelato de Artes (vía de Artes Plásticas, Imaxe e Deseño) do IES Pedro Floriani (Redondela). A autorización destas ensinanzas no centro dá resposta á demanda da comunidade educativa redondelá.

O novo Bacharelato impartirase en quenda de mañá. Para adaptar os espazos do centro, a Consellería realizará as pertinentes obras no instituto ao longo do verán. Desta forma, e de acadarse a matrícula suficiente, os alumnos poderán cursar estas ensinanzas o vindeiro curso.

Dado que o proceso de autorización destas ensinanzas se iniciou logo do remate do prazo de presentación de solicitudes, a Consellería pon a disposición do alumnado de Redondela un sistema extraordinario. Desta forma, o IES Pedro Floriani abre un prazo de solicitudes (do 3 ao 9 de maio, ambos inclusive) para que o alumnado interesado que está a cursar 4º de ESO no centro, e que no proceso ordinario de admisión, solicitou praza noutros institutos, solicite de forma presencial continuar cursar o Bacharelato de Artes e renunciar á solicitude anterior. Admitirase a mesma solicitude do alumnado que está a cursar a ESO noutros centros docentes e solicitou praza de Bacharelato en distintos centros públicos ou privados, así como a do alumnado que non presentou solicitude en ningún centro.

No caso que se reciban máis solicitudes que prazas se ofertan, terá prioridade o alumnado que está a cursar 4º de ESO no IES Pedro Floriani, aplicando para o resto os criterios xerais de admisión. A relación definitiva de admitidos publicarase no prazo ordinario, ata o 15 do próximo mes de maio. En calquera caso, o alumnado que non acade praza no Pedro Floriani manterá a solicitada inicialmente noutro centro.

A Inspección educativa reunirase na xornada de mañá coas direccións dos institutos de Redondela para informalos de todo este proceso

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará