Hoxe é Sábado 31 de Outubro de 2020

As escolas unitarias loitan pola súa supervivencia

RR_Noticias

A falta de alumnado é o principal problema co que se atopan estes centros que teñen moito que ofrecer: unha maior proximidade coas familias, fomentan o espírito cooperativo e favorecen a aprendizaxe ao convivir na mesma aula nenos de diferentes idades dende os 3 aos 6 anos. Con todo, as poucas inscricións fan perigar a súa continuidade. Para captar alumnado organizan xornadas de portas abertas. Este venres en horarios de 12:00 a 14:00 horas pais e nais poden achegarse a escola San Pedro de Cesantes, o luns 11 e o sábado 16 é a escola de Ventosela a que nos convida a coñecer as súas instalacións.

A caída da natalidade, con cada vez menos nenos nas parroquias, e a imposibilidade de ofrecer servizos como o comedor ou o coñecido como plan madruga que permite deixar aos nenos no centro ata unha hora antes do inicio das clases, están a poñer en risco a supervivencia destas escolas unitarias. Tanto en Ventosela como en Cesantes sofren a incerteza de que pasará no futuro ante a caída das matrículas. “Senón logramos que se inscriban nenos non temos futuro, acabarán pechando os centros” explica Rocio Filgueira, mestra responsable da unitaria San Pedro de Cesantes. Son conscientes nestas escolas que moitos pais e nais vénse obrigados a optar por outros centros educativos que ofrecen máis servizos extraescolares, pero insisten nas vantaxes comparativas que supón para o alumnado iniciar a súa vida lectiva nestas escolas. “Hai unha interacción maior coas familias, unha interacción que en colexios grandes non é posible” explica Filgueira “con dez nenos, como é o noso caso, é moi doado traballar, implicar a pais e nais e facer actividades que non sería posible en aulas con 25 rapaces”. Ademais destaca o traballo cooperativo e a aprendizaxe por imitación ao mesturar alumnos de diferentes idades así como a atención individualizada con maior atención ás particularidade de cada neno ou nena. A drástica caída das matrícula dispara as alertas. En Cesantes contan con dez alumnos “temos cinco nenos de 5 anos e outro cinco de 4 anos, pero ningún de tres anos, unha situación que fai perigar a supervivencia da escola” recoñece Filgueira. Se a tendencia non muda a Xunta podería decretar o peche do centro, como xa lle ten acontecido a outras unitarias.  

Rocio Filgueira escola infantil Cesantes
A caída de alumnos pon en perigo a superviviencia destas unitarias
Máis proximidade con alumnos e familias
Ao seren poucos alumnos permiten desenvovler metodoloxías diversas
Ventosela e Cesantes
Dáus unitarias que comparten problemas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *