O conxunto redondelán gañou o seu primeiro encontro de pretemporada no que foi o seu segundo choque amigable, diante do Magope Seis do Nadal. O partido, que se disputou onte no pavillón de Chapela, rematou cun marcador de 33-24.
O resultado pon de manifesto a superioridade dos de Fran Teixeira, con goles de Rubén (1), Chema (7), Quique (1), Ángel (1), Vidal (4), Casal (1), Óscar (4), Nando (3), Fabián (4), Adrián (1), Iago (1), Leo (1) e Marco (4). Mañá xoves teñen xa a súa seguinte cita, será en Cangas, diante do Luceros, dentro da competición da Copa Galicia (21.30 horas).
