Inglés na EOI de Redondela

A Escola Oficial de idiomas conta cunha sección no Ies Pedro Floriani que permite a todas as persoas que o desexen achegarse ao inglés en horario de tarde ou incluso clases semipresenciais para aqueles que non poden acudir a todas as clases. A matrícula permanecerá aberta ata o vindeiro 20 de setembro. Pódese xestionar en liña na web www.eoidevigo.org ou directamente nas instalación de Redondela.

Na sección de Redondela impártese o ciclo completo dende A1 ata C1, proporcionando así diversas opcións formativas tanto para quen desexa obter unha certificación oficial como para quen prefira aprender sen a presión dos exames. O alumnado accede a un determinado curso en base ao seu nivel no idioma polos estudos feitos anteriormente.