- Este evento pasou.
Festa da Coca
Xuño 1 @ 11:00 - 23:30
Do 29 de maio ao 2 de xuño Redondela celebra a súa semana grande coas Festas da Coca, onde a tradición e a mellor oferta musical van da man.
A xornada comezará ás 11:00h cunha Alborada a cargo da Banda de Música de Arcade que darán tamén un concerto ás 18:00 horas na Alameda de Castelao.
Entrada a noite o público poderá gozar do concerto de Revólver, liderado polo artista Carlos Goñi ás 22:00 horas no Campo da Feira. A banda fará unha parada en Redondela dentro da súa xira “Playlist Tour” cun concerto no que os asistentes vibrarán ao ritmo de grandes éxitos como “El roce de tu piel”, “Si es tan solo amor” ou “Faro de Lisboa”, xunto cos temas do seu último disco, no que presentan versións de grandes éxitos da música en español con temas de Pereza, Amaral e Elefantes, entre outros.
A orquestra Galilea e o pica discos Rodri Vegas completarán a oferta musical da noite.