Concerto no Multiúsos

Concerto do Conservatorio Superior de Música de Vigo en Redondela. Alumnado do Conservatorio Superior de Música de Vigo ofrecerá na tarde de hoxe ás 19:30 un concerto de balde no auditorio da Xunqueira. Enmarcado dentro do convenio asinado entre o centro de estudios musicais vigués e o Concello de Redondela, esta actuación inaugura un programa de concertos que se irán celebrando no Auditorio da Xunqueira. Desta maneira Redondela completará a súa oferta de música clásica que xa contaba, até o de agora, coa colaboración do Conservatorio Municipal e a Escola de Música de Chapela.