Ciclo vive o teatro: Esas cousas marabillosas

Dentro da Programación de inverno do Concello de Redondela, a compañía Empatía Teatro trae o espectáculo ‘Esas cousas marabillosas’ ao Auditorio da Xunqueira cunha entrada a prezo reducido que deixa o abono en 3 euros.

‘Esas cousas marabillosas’ aborda un tema tan difícil como é da saúde mental e as ideas suicidas, pero a compañía promete que esta obra pode cambiar a vida do público. Escrita por Duncan Macmillan,  esgotou as entradas durante tres anos consecutivos no Festival de Edimburgo, para despois conquistar escenarios de todo o mundo, desde Londres a Nova York, pasando por Bruxelas, San Juan de Porto Rico, Maryland, Oregón ou Canadá.