Nun crossover moi especial entre dous programas da radio municipal de Redondela —Onda Torrella e En PAC(k), o podcast de saúde—, a doutora Bea Gómez Ameodo, médica residente no Centro de Saúde de Redondela, demostra que a súa profesión tamén ten gusto musical.
Neste episodio xa dispoñible, Bea comparte as 6 cancións que máis a acompañan no seu día a día e que lle axudan a entender, sentir e coidar a vida dende outra perspectiva. Unha conversa distendida, emotiva e chea de ritmo na que a saúde, as emocións e o benestar cobran forma de cancións.
Da consulta ao micrófono, Bea Gómez Ameodo achéganos a súa visión persoal de como a música pode ser unha ferramenta máis de coidado e de autocoñecemento.
Escóitao completo en radioredondela.com.
