Claudio Gabis e a Red Duck Blues Band
O pioneiro de Manal e referente da guitarra actúa este xoves no Brisa Chiringo acompañado da Red Duck Blues Band
Nesta sección dedicada á cultura, temos o privilexio de conversar cunha auténtica lenda do rock e o blues, Claudio Gabis, pioneiro do rock arxentino, fundador de Manal e un referente indiscutible da guitarra. A súa música, con himnos como No Pibe ou Jugo de tomate frío, marcou xeracións e segue ecoando, desde os escenarios de Buenos Aires ata a recente banda sonora da serie de Netflix El Eternauta. Hoxe, xoves 10 de xullo, ás 21:30 h, Gabis chega ao Brisa Chiringo en Cesantes dentro do ciclo Blues & Rías, nun concerto que promete ser inesquecible acompañado da Red Duck Blues Band.
Con el falamos da súa traxectoria, a evolución do blues, a súa conexión con Galicia e os seus proxectos futuros.
