Comezamos o mes de outubro retomando o espazo “As mulleres contan, percorrendo camiño”. En colaboración coa concellería de Igualdade esta sección pretende dar voz a mulleres de Redondela para facer visible o seu traballo e as súas inquietudes. Hoxe falamos con Mari Carmen Costas, empresaria do sector da hostalaría e a panadaría, con varios negocios na comarca que suman 60 empregados. Fala dun negocio duro “con moitas horas de dedicación” e que foi medrando “pouco a pouco”. Recoñece que ser muller neste sector “non é doado” e como noutros ámbitos “aínda se valora máis o papel do home”. Explica que en moitas ocasións clientes ou provedores non asumen que unha muller dirixa o negocio “e preguntan polo xefe”. Tras 40 anos de traxectoria, Mari Carmen apunta que se vai avanzando no terreo da igualdade pero advirte que “aínda queda moito camiño por percorrer”. Lamenta que a día de hoxe unha muller “sempre ten que demostrar o dobre que un home” para ser recoñecida no seu traballo.

Falamos con @Qarambanos sobre Capitán Breomán, a nova xoia da animación galega
Conversamos con @Qarambanos, o artista multidisciplinar e un dos creadores de Capitán Breomán, para indagar no proceso de creación e nas curiosidades desta serie de animación e humor para adultos