Hoxe é Sábado 27 de Novembro de 2021
Stations
NOTHING FOUND!
Current listeners: 
Peak listeners: 

As mulleres contan, percorrendo camiño. Coidar a quen nos coida.

Hoxe falamos con dúas mulleres que traballan no Servizo de Axuda ao Fogar (SAF). Falamos con Rebeca Porto, coordinadora do servizo en Redondela, e Lucía Piñeiro, coidadora. Cóntannos a súa experiencia logo dun ano “especialmente duro” pola pandemia. Viviron meses de incerteza, sen protocolos claros por parte da Xunta de Galicia “e sen medios”. O seu labor é acudir aos fogares onde atenden a “persoas vulnerables”, e están consideradas un servizo “esencial” malia non ser sanitarias. Por iso a maioría das coidadoras “aínda non recibiron a vacina” explica Porto. Os coidados son un traballo tradicionalmente feminino “tanto nas familias como nos servizos profesionais” e está “pouco valorado” lamentan. Piden “recoñecemento e apoio” para o seu labor que non é só “limpar e asear aos maiores” senón tamén darlles unha atención personalizada “que os axuda a nivel psicolóxico e emocional”. Para Lucía Piñeiro o mellor é ver como as persoas maiores “agradecen o teu traballo e a compañía que lles fas”.

Escoita aquí a entrevista completa con Rebeca Porto e Lucía Piñeiro

O espazo “As mulleres contan, percorrendo camiño” emitirase en Radio Redondela o primeiro luns de cada mes, en colaboración coa Concellería de Igualdade.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

25N: Sojourner Truth

Programación especial polo 25N, Día Internacional da eliminación da violencia contra as mulleres Sojourner Truth (1797-1883), muller e negra, dobremente discriminada. Abolicionista e activista polos dereitos da muller, da súa

Escoitar audio »