Foto do director, cedida.
Nesta nova entrega da sección “A voz emerxente” contamos con Miguel Ángel Delgado, director da película ‘San Simón’. Un filme de ficción baseado na historia real do que aconteceu no pequeno arquipélago redondelán composto pola Illa de San Simón e a de San Antón durante a represión franquista. Conversamos sobre os detalles da trama e a experiencia de gravar neste “escenario máxico”, ademais de adiantar a participación dos actores redondeláns Eduardo Alberto Rodríguez Cunha / ‘Tatán’ e Miguel Borines e Andrés Giráldez.
Agradece a acollida do Concello de Redondela e de toda a xente que fixo posible a rodaxe. Sinala que “lle gustaría poder estreala ao longo de 2025’, porque a rodaxe ten previsto o seu final a mediados de abril e despois “espera un longo traballo de posproducción”.
Destacar que a película está producida por Miramemira Films, encargada de filmes de renome como “O que arde” (Óliver Laxe, 2019) ou “O Corno” (Jaione Camborda, 2023).
