Retomamos a sección Carreira de Fondo coa chegada de setembro. Nesta nova etapa contamos con Carla Martínez Alonso de Redondela na primeira entrega, para falar da súa experiencia no Grao en Estudos da Arquitectura na universidade de LaSalle Bonanova, en Barcelona (pertencente á universidade Ramon Llull).
Sendo unha Universidade privada Carla conseguiu entrar cunha bolsa de excelencia académica polas notas obtidas en bacharelato.
Decidiu facer o máster habilitante para poder asinar os seus propios proxectos na mesma universidade . A carreira consta de 5 anos e no proceso fixo un intercambio pasando a estudar cuarto de carreira na universidade Federal de Río de Janeiro, Brasil.
