Nova entrega do espazo Voces Solidarias, no que coñecemos de preto os servizos que xestiona e ofrece a Cruz Vermella de Redondela. Nesta ocasión falamos da teleasistencia domiciliaria, un dos recursos máis demandados, pensado para ofrecer apoio técnico e humano ás 24 horas do día e facilitar que persoas maiores, dependentes ou con discapacidade poidan seguir vivindo nos seus fogares con maior autonomía e seguridade.
Coñecido popularmente como “o botón vermello”, este sistema permite ás persoas usuarias contactar de maneira inmediata cun centro de atención permanente ante calquera emerxencia ou necesidade.
Diana Freire, responsable de Cruz Vermella en Redondela, acompañada do voluntario José Manuel Mouriño, explícanos como se pode solicitar este servizo, que modalidades existen e cal é o custo de contar con esta asistencia.
A elevada demanda reflíctese nun dato significativo: actualmente máis de 200 persoas empregan este servizo só no municipio de Redondela.
