Foto de MAChRemo
Nunha mañá espléndida, disputouse diante dos peiraos de O Con, en Moaña, a XLI Bandera Concello de Moaña de bateis femininos e masculinos, organizada pola S.D. Tirán-Pereira. O Club de Remo Chapela-Wofco proclamouse gañador na categoría masculina, repetindo o seu dominio habitual nesta tempada e sumando outra bandeira de honra ao seu palmarés. O club organizador, Tirán-Pereira, fixo o propio na feminina, mantendo ambos os equipos a súa supremacía na Zona Sur da Federación Galega de Remo.
Ademais desta vitoria, Chapela tamén triunfou o sábado anterior na X Bandera Lavanova, celebrada na pista de Verducido polo mal estado do mar en O Grove e organizada polo Club Remo Mecos. Esta regularidade impecable de Chapela en masculino e Tirán en feminino sitúaaos como líderes claros nas bandeiras de honra. Na regata de Moaña, sete clubs repartíronse as trece categorías: Tirán e Chapela lograron tres vitorias cada un, seguidos por Samertolaméu-Oversea e Vila de Cangas con dúas, e Vilaxoán, Mecos e Amegr
