As últimas analíticas practicadas polo Instituto Tecnolóxicos para o Control do Medio Mariño, detectaron a presenza de toxina en novos polígonos. Tras os últimos peches de bateas decretados, xa está prohibido recoller mexillón no 80% dos viveiros que hai en Galicia.
Prohíbese a extracción de mexillón en todas as bateas da ría viguesa, incluídas aquelas que, despois do episodio tóxico anterior, empezaran a campaña extractiva hai apenas un mes. Á propagación do episodio tóxico inclúese a combinación das toxinas paralizante (PSP), amnésica (ASP) e diarreica (DSP), xunto indicios dalgunha máis.
Onte pechaban os últimos polígonos que quedaban abertos que eran os de Redondela. Tamén pechaban o polígono de Portonovo na ría de Pontevedra, así como en Muros e en Sada. A única ría que non está pechada na súa totalidade é a de Arousa. Alí líbranse da toxina varios polígonos de bateas da Pobra, de Vilagarcía e de Cambados.