Hoxe é Venres 1 de Xullo de 2022
Stations
NOTHING FOUND!
Current listeners: 
Peak listeners: 

Redondela acolle o Sector Nacional Infantil Feminino de balonmán

277107367_1760359900825685_6647155039094667395_n

Este ano o Club SAR Rodavigo é o patrocinador oficial do Sector Nacional Infantil de balonmán. Celebrarase no Pavillón da Bomboneira do 2 ao 5 de xuño. Durante estas xornadas o conxunto redondelán enfrontarase aos mellores equipos de toda España entre os que se atopan o equipo vasco Kukullaga Etsebarri, o asturiano Villanueva Siero “A”  ou o  valisoletano Hand Vall Valladolid.

O Equipo Infantil Feminino SAR Rodavigo ven de gañar a Liga e a Copa Galega de forma consecutiva. Como campioas galegas serán as anfitrioas de equipos que veñen do País Vasco, Valladolid, Asturias e Canarias. O Presidente do Club, Aurelio Krook, conta que este vai ser un campionato moi emocionante no que se medirá a forza das xogadoras.

2O primeiro partido é contra o Kukullaga”, conta Aureliano.

Aureliano Krook espera que o Pavillón da Bomboneira estea cheo esta fin de semana. Anima a afección a apoiar as xogadoras que son o futuro da canteira. Serán partidos moi intensos e competitivos pero que servirán tamén para establecer lazos e amizade entre as distintas comunidades.

“A afección ten que animar máis que nunca”, conta o presidente.

Unha competición deste nivel conleva un esforzo extra de xestión para a administración do club, xa que implica ofrecer as necesidades de aloxamento e dietas a un número moi elevado de rapazas. Durante os 4 días que dura o evento aloxaranse xuntas nun albergue de Redondela onde poderán convivir e compartir unha experiencia moi completa que inclúe actividades como unha visita guiada a Meirande.

“Ofreceremos o mellor trato posible o tempo que estean en Redondela”, explica Krook.

O presidente agradece de forma especial o patrocinio de Rodavigo e o comercio local, xa que considera que traer un sector de fora implica uns gastos moi elevados que non poderían asumir sen apoio.

“O patrocinio do comercio local é moi importante”, expresa o presidente.

Do 2 ao 5 de xuño celebrase un dos eventos máis importantes para o club SAR Rodavigo, unha cita obrigada para todas e todos os afeccionados o balonmán.

Partidos do Sector Nacional Infantil Feminino

Xoves 2

20:30h SAR Rodavigo vs Kukullaga Etsebarri.

Venres 3

18h Kukullaga Etxebarri vs SPL Tiñosa Pto del Carmen

20h Villanueva Siero “A” Vs Hand Vall Valladolid.

Sábado 4

18h SAR Rodavigo vs SPL Tiñosa PTO Del Carmen

20h Hand Vall Valladolid vs Villanueva Siero A.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará