www.radioredondela.com Hoxe é Martes, 12 de Novembro de 2019


Sociedade • 8/11/2019

Os veciños e colectivos que rexeitan a apertura dunha casa de apostas na rúa Ernestina Otero teñen de prazo ata o 28 de novembro para presentar alegacións contra a instalación deste negocio na nosa vila. O BNG presentou xa a súa argumentando que a proposta de emprazamento incumpre o decreto da Xunta no que se establece que "en ningún caso se autorizará a instalación de salóns de xogo a menor distancia de 150 metros dos accesos normais de entrada ou saída de centros oficiais que imparten ensino regrado a menores de idade".


Cultura • 8/11/2019

O ciclo de música folk que organiza a Concellería de Cultura déixanos esta fin de semana dous concertos para gozar da nosa música. O auditorio da Xunqueira acollerá o sábado ás 20:00 horas a actuación do coro Cantares do Brión. En Chapela a cita será tamén o sábado a mesma hora no Multiúsos do Piñeiral co espectáculo de Arxe. A entrada é de balde.


Cultura • 8/11/2019

A Biblioteca Municipal do Concello de Pazos de Borbén inicia hoxe a cuarta edición do seu ciclo de Tradición Oral "Falar por falar". Unha iniciativa que busca pór en valor as representacións artísticas desenvolvidas en lingua galega. A actriz Raquel Queizás será a encargada das primeiras actuacións destinadas cunha actuación ás 13:00 horas co espectáculo "Caso pechado" e unha segunda actuación ás 20:00 horas con "Palabras na boca". Os vindeiros venres actuarán Cris de Caldas (15 de novembro), Lorena Pinheiro (22) e pecha o mes a actriz Ángeles Goás.


Institucional • 8/11/2019

O Concello de Soutomaior iniciou o  seu novo programa de educación afectivo-sexual. Unha iniciativa titulada ÍmoloGhozar coa que desde a Concellería de Igualdade se quere fomentar unha correcta educación sexual nos centros de ensino do municipio. O proxecto está dirixido a todo o alumnado desde 4º de primaria a 1º de bacharelato e terá unha duración dun mes.


Cultura • 7/11/2019

A exposición "Criminalización do Pensamento" do Colectivo Republicano seguirá no Multiúsos malia as reiteradas peticións por parte de dous sindicatos policiais (UFP e SUP), ás que se sumou tamén Partido Popular, e que pedían a súa retirada. Así o confirma o concelleiro de Cultura, Daniel Boullosa, quen lembra que era obriga do goberno local repoñer esta mostra que fora censurada polo goberno de Javier Bas "dando así cumprimento a un acordo plenario". Defende tamén o seu contido "non son imaxes manipuladas como din os que a critican, son todas elas fotografías que nalgún momento saíron nos medios de comunicación" e nega rotundamente que a mostra "incite ao odio".




Novas Anteriores:
primeiraanterior [1] [2] [3] [4] [5]seguinteultima
Buscar:
en radioredondela.com en Google
Axenda

<< Nov 2019 >>
LMMXVSD
    123
45678910
11121314151617
18192021222324
252627282930 

Próximos Eventos...
Venres, 15 de Novembro de 2019 - 12:00
Cursos de memoria
O Concello abre o prazo para se inscribir na actividade de Memoria que se vai desenvolver ata o 30 de xuño e que ten un custe de 32,65€. Unha en Redondela e Chapela. Inscricións ata o 15 de novembro.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia
23:00 - Tempo de Jazz