Viaxe a Ourense e Carballiño

Soutomaior organiza unha viaxe a Ourense e Carballiño para os maiores da localidade. O programa Ronsel, da concellería de Igualdade e Benestar Social, achega esta excursión de balde para persoas maiores de 65 anos. A actividade desenvolverase o domingo 11 de maio e levará aos participantes ata a cidade de Ourense e ao Parque Municipal do Carballiño. As inscricións poden realizarse en liña na web do concello ata o vindeiro día 30 deste mes. As persoas que precisen axuda poderán realizar a inscrición no concello ou no Multiúsos en horario de 9:00 a 14:00h.