Teatro ó cubo: Ghop!

O Multiusos da Xunqueira acolle o 3 de xaneiro o espectáculo Ghop! de Teatro ó Cubo dentro da Programación de Nadal 2023 do Concello de Redondela.

Ghop! é un espectáculo áxil, participativo e cheo de humor. Unha proposta con estética clásica que busca homenaxear aos circos ambulantes que durante moito tempo percorreron as prazas dos pobos e as aldeas. Ghop! ofrece malabares, monicreques, acrobacias, maxia e elementos propios do show de variedade. Un espectáculo de Teatro ó Cubo para todos os públicos.