Teatro no Multiúsos de Arcade

O domingo, da man da Deputación de Pontevedra, chega a obra teatral para público familiar e infantil “Kyoki”, a cargo da compañía Elefante Elegante. A peza poderá verse no Multiúsos de Arcade a partir das 17:30 horas. “Kyoki” é un espectáculo sen palabras destinado ao público infantil e familiar que aborda a temática do esquecemento, da vellez e da soidade. O título significa “demencia” en xaponés, e refírese a unha alteración da capacidade para lembrar, pensar ou tomar decisións.