Plantación do novo Carballo das Cen Pólas

Reboreda recupera un dos seus símbolos, o Carballo das Cen Pólas, coa plantación dun novo exemplar

A parroquia de Reboreda acollerá este sábado 21 ás 11:30 horas o acto oficial en torno á plantación dun novo carballo, nun acto cargado de simbolismo que coincide coa celebración do Día da Árbore. Este exemplar substituirá ao actual, que permanece seco desde hai aproximadamente 40 anos. A iniciativa, impulsada pola asociación Amigos do Carballo das Cen Pólas, pon en valor a relevancia cultural e histórica deste enclave.