O III ciclo infantil que organiza o Concello de Redondela co gallo do Nadal chegará ao Centro Cultural de Cesantes o día 21 de decembro ás 18:00 horas coa música de Paco Nogueiras e o espectáculo “Son animal”
“O castiñeiro do Apalpador” é a obra que presentará na Sociedade Labrego Cultural do Viso a compañía Fantoches Baj. Será o luns 22 de decembro ás 18:00 horas
O 23 de decembro o protagonista será Peter Punk, que estará no Centro Cultural de Saxamonde cun espectáculo cómico e musical. Unha actuación ás 18:00 horas enmarcada na programación de Nadal do Concello de Redondela.
A maxia e diversión do circo chegará o 26 de decembro ao Centro Cultural de Negros co “Show de Fifo” enmarcado dentro do III ciclo infantil do Nadal.
No Centro Cultural de Cedeira estará o 27 de decembro ás 18:00 horas a compañía Títeres Alakrán co teatro de monicreques “Barriga Verde”.
Un ano máis a Asociación Lenda organizada o seu tradicional concerto de Nadal que terá lugar o sábado 27 de decembro no Multiúsos da Xunqueira ás 20:00 horas con actuación da Rondalla de Redondela. A entrada é benéfica e está á venda no propio local de Lenda ou no Café da Vila a un prezo […]
O 28 de decembro áas 18:00 horas será a quenda do ilusionista internacional Cayetano Lledó, que estará no Auditorio da Xunqueira cun espectáculo de maxia para público familiar. Lledó combina técnicas innovadoras con xogos cómicos onde a sorpresa e o humor se fusionan co ilusionismo
A diversión do espectáculo musical “A Bailar no Nadal” de Animar-T chegará ao Centro Cultural de Trasmañó, o 29 de decembro ás 18:00 horas.
A última actuación do ano dentro do III ciclo infantil do Nadal será o 30 de decembro ás 18:00 horas co polifacético Ce Orquestra Pantasma no Centro Cultural de Reboreda.
O mes de xaneiro comezará coa gran compañía redondelá Tanxarina, que actuará no Centro Cultural de Cabeiro o 2 de xaneiro ás 18:00 horas coa súa premiada obra Titiricircus.
O ritmo rockeiro chegará da man de Pakolas cun espectáculo musical que se representará no Centro Cultural de Vilar de Infesta o 3 de xaneiro ás 18:00 horas.
A programación do III Ciclo infantil de Nadal rematará o 4 de xaneiro cunha das familias máis coñecidas de Galicia, “Os Bolechas”, que estarán o auditorio do Piñeiral do Crego en Chapela ás 18:00 horas.