Excursións para maiores

Redondela abre o prazo para participar nas excursións que o concello organiza para as persoas maiores. O programa “Redondela viaxa” arranca cunha excursión a Padrón e Santiago de Compostela con saídas os días 24, 25, e 26 de marzo. O prazo de inscrición estará aberto desde o luns día 17 ata o venres día 21 no Multiúsos da Xunqueira, en horario de 9.00 a 13.00 horas. O prezo da viaxe, na que poden participar persoas maiores de 55 anos, é de 25 euros e inclúe o desprazamentos en autobús así como o xantar.