Do Artelixo ao ALTRIlixo

A cita coa arte reciclada celebrarase en Redondela do 4 ao 12 de abril. O reivindicativo certame redondelá dedica a edición deste ano á ameaza que para Galicia supón o proxecto de macrocelulosa de Altri. As obras, que teñen que estar feitas con material de refugallo, expoñeranse polas rúas, prazas e escaparates de Redondela. As persoas ou colectivos que queiran participar deben inscribirse online antes do 21 de marzo a través dun cuestionario no que achegan datos sobre as súas propostas artísticas.