Concurso de maquetas Millo Verde

• Poden participar tódolos grupos ou solistas con residencia na Galiza que non teñan disco editado por un contrato discográfico. Tamén é posible a inscrición de artistas que publicaran singles, extended plays ou os que participasen en discos recopilatorios.
• O prazo para achegarnos as vosas propostas será dende o 15 de xaneiro ata o 1 de marzo.
• Admítense traballos encadrados en calquera estilo musical.
• Os traballos constarán de 3 cancións de composición propia e opcionalmente 1 vídeo ou enlace ao mesmo, acompañados dunha breve reseña biográfica en formato PDF (compoñentes, estilos, procedencia e concertos realizados).
• É imprescindible indicar o nome, número de teléfono e correo electrónico da persoa de contacto.
• Todo este material debe ser enviado ó enderezo electrónico:

maketas@milloverde.org