Concerto de Tino Baz en Soutomaior

A cita musical será este sábado 15 ás 20 horas con entrada de balde. O concerto que leva por nome “Rosalía na nosa voz” corre a cargo de Tino Baz, autor do disco sobre poemas de Rosalía de Castro “Se cantas es ti que cantas”. Un traballo con 11 cancións a partir dos textos da poeta galega.

Esta actividade encádrase dentro da campaña ‘Goza do teu punto G, o Galego dáche un punto’, impulsada pola área de Normalización Lingüística do Concello de Soutomaior na que se inclúe unha ampla programación  cultural e festiva que se vai desenvolver nos vindeiros meses.