Concerto de Martien Maas no Conservatorio
Marzo 22 @ 18:00 - 20:00
O músico holandés Martien Maas imparte un curso intensivo en Redondela
A Orquestra de Saxos de Redondela, en colaboración co Conservatorio Victor Ureña, organiza este fin de semana unhas xornadas de práctica instrumental dirixidas polo recoñecido músico holandés Martien Maas. A iniciativa, que colgou o cartel de completo, culminará o domingo cun concerto aberto ao público no que participarán alumnos acompañados ao piano polo propio mestre.
A actividade desenvólvese desde hoxe até o domingo. O broche final será un gran concerto o domingo, ás 18.00 horas, no auditorio do Conservatorio, onde algúns dos alumnos participantes tocarán acompañados ao piano polo mestre holandés. A entrada será gratuíta até completar aforamento da sala.