Asemblea Comunidade de Montes do Viso

A Comunidade de Montes Veciñais en Man Común do Viso convoca as comuneiras e comuneiros á asemblea ordinaria o vindeiro domingo 26 de xuño ás 11h en segunda convocatoria. A asemblea celebarase no polideportivo da Gándara, no caso de choiva trasladarase á Sociedade de Agricultores, e trataranse os tradicionais puntos do estado de contas, altas e baixas de comuneiros/as, traballos e actuacións do pasado ano 2021 e os que se realizaran no 2022, entre outros. Na mesma asemblea informarase do estado dos deslindes mediante avinza con comunidades estremeiras, así como os recentes traballos de mellora do entorno do Camiño de Santiago ao seu paso polo monte comunal.