Acendido do Nadal en Redondela

Rúas e prazas do Concello iluminaranse este  xoves día 5 con 895.000 luces led. O acendido, que terá lugar o xoves véspera da ponte de decembro ás 20:00 horas, chegará precedido do espectáculo “Meninas”, un pasarrúas da compañía Yera que percorrerá o centro da vila a partir das sete.
Marionetas xigantes cunha estética que lembra aos traxes de época con grandes cadeiras, tipo “Menina”, acompañadas de música creada especialmente para a ocasión serán as encargadas de animar os minutos previos a un acendido que busca ser o pistoletazo de saída das celebracións do Nadal. O percorrido deste espectáculo itinerante comezará na Praza de Ribadavia.