A orquestra clásica de Vigo actúa en Soutomaior

A Orquestra Clásica de Vigo actúa o día 28 no castelo de Soutomaior. O programa de música clásica en espazos patrimoniais da provincia Música non Ar, organizado pola Deputación, arrinca o próximo día 28, ás 22.00 horas, no castelo de Soutomaior. Trátase do concerto da Orquestra Clásica de Vigo e Cintaadhesiva co seu proxecto Retrato musical, que combina música clásica, poesía e audiovisual. Así, no recinto medieval soará música de Mozart con textos poéticos de Silvia Penas e unha proposta visual de Jesús Andres Tejada, con imaxes da pioneira do cinema Alice Guy. A entrada é gratuíta, aínda que para poder asistir hai que inscribirse previamente a través do correo electrónico participa.cultura@depo.es.