O equipo no momento da entrega do premio en Vigo
As alumnas Larissa Salinas, Dinara Costa, Celia de Campos e Alba García, de 4º da ESO do IES Illa de San Simón de Redondela, foron premiadas no I Encontro Rexional de Apps for Good en España, celebrado no museo MARCO de Vigo. O seu proxecto, a aplicación STIM, deseñada para mellorar a calidade de vida de persoas con sensibilidade auditiva e fotosensibilidade, minimiza estímulos visuais e sonoros molestos, promovendo un mundo máis accesible. Guiadas pola profesora Patricia García, as estudantes fixeron historia no seu centro e clasificáronse para o encontro internacional en Lisboa o 18 de setembro, xunto aos mellores equipos de España e Portugal.
Escoita a entrevista para coñecer máis sobre os seus obxectivos e retos con este proxecto.
