O Parque Eólico Coto de Eiras afectará aos residentes en A Lama, Fornelos de Montes, Mondariz, Pazos de Borbén e Redondela, non só pola instalación dos aeroxeradores, senón porque o proxecto está fraccionado e a Liña de Alta Tensión vinculada vai ocupar ao redor de 15 quilómetros de monte para poder chegar á central instalada en Nespereira.
Falamos cun dos veciños afectados, Enrique Cameselle, quen explica a situación actual e as intencións dun proxecto que está demostrado vai repercutir negativamente na nosa paisaxe e na vida das persoas.
