O Día Mundial do Parkinson, que se celebra cada 11 de abril, é unha data clave para poñer o foco nesta enfermidade neurodexenerativa que afecta a millóns de persoas en todo o mundo. Coincidindo co aniversario do nacemento de James Parkinson, quen describiu a doenza en 1817, esta conmemoración busca sensibilizar sobre os seus retos e avances. Hoxe temos connosco a Begoña Cerqueiro, presidenta da Asociación Parkinson da provincia de Pontevedra (Apropark), para achegarnos á realidade desta enfermidade e ao traballo que se fai dende a nosa contorna.
