Outro mundo é posible. As axudas do GALP dinamizan o sector do mar.

Ata o 28 de febreiro está aberto o prazo para solicitar axudas do Grupo de Acción Local do Sector Pesqueiro da Ría de Vigo. Poden optar asociacións, particulares ou empresas de Redondela, Soutomaior e demais municipios costeiros da ría. Noutras convocatorias xa se teñen beneficiado proxectos como o distintivo de calidade do Choco de Redondela, a iniciativa de turismo mariñeiro de Amarturmar ou propostas deportivas como o Kitesurf de Cesantes. Falamos con Elena Herbello, xerente do GALP.