O vindeiro 7 e 8 de xuño, o Complexo Hospitalario Universitario de Ourense (CHUO) será o punto de partida dun reto solidario que unirá Ourense e Vigo nun percorrido de 120 km por carreiros de montaña, co obxectivo de recadar fondos para a investigación do cancro infantil e apoiar ás familias afectadas. Esta iniciativa, impulsada por Antonio Figueroa e Jesús Amoedo, dúas persoas marcadas pola experiencia persoal co cancro, busca visibilizar a loita contra esta enfermidade e render homenaxe ás familias que percorren longas distancias para recibir tratamento.
Antonio e Jesús achegáronse a Radio Redondela como representantes, pero detrás deles hai outras moitas persoas que comparten a organización da iniciativa.
Únete ao reto
O reto solidario de 120 km é moito máis que un desafío físico; é un acto de esperanza e solidariedade. Tanto se decides camiñar, correr, pedalear ou simplemente doar, cada paso conta para que ningún peque quede atrás. Podes sumarte o 7 e 8 de xuño ou colaborar a través das doazóns en Colabora Sant Joan de Déu. Como di Antonio: “Son 120 km cargados de ilusión”. Porque xuntos, podemos transformar os quilómetros en esperanza.
Instagram: @120_km_de_ilusion
