Mª José Villar fálanos hoxe da escritora cubana Dulce María Loynaz, do seu poemario “Bestiarium” e de “Dulce herbario” de Juan Kruz Igerabide. Dúas novidades na Biblioteca de Creotz ediciones.

As Bibliotecas Municipais celebran tamén o Día do Orgullo lembrando que a temática LGTBIQ+ está tamén moi presente na literatura. Mª José Villar dende a Biblioteca de Chapela fálanos de catro propostas que podemos atopar nese espazo. “Carol” de Patricia Highsmith, “Flores particulares” de Nora Eckert, “Tan poca vida” de Hanya Yanagihara e o libro infantil “El secretode Abelardo” de Blanca Lacasa son as catro propostas que nos deixa este espazo literario na Radio Municipal.

Mª José Villar, dende a Biblioteca de Chapela fálanos de tres novelas: “El descontento” primeira novela de Beatriz Serrano, “Los vencejos” do veterano autor Fernando Aramburu e unha homenaxe ao recentemente falecido Paul Auster, coa súa última novela “Baumgartner”. Tres libros aos que nos podemos achegar a través do servizo da Biblioteca Municipal.

Mª Elena Becerra dende as Bibliotecas Municipais fálanos hoxe dun libro máis que recomendable “Babel: o la necesidad de la violencia; Una historia arcana sobre la Revolucion de los traductores de Oxford”.

Mª Elena Becerra fálanos de dúas novelas de calidade que seguen vixentes co paso dos anos: “Tenemos que hablar de Kevin” de Lionel Shiever e “La Reina Fiel” de Montse de Paz

Mª José Villar, dende a Biblioteca de Chapela fálanos de librso con “boa onda” que van servir aos lectores para achegarse a un dos items recollidos no reto lector lanzado dende as Bibliotecas de Redondela. Cómics, poesía e novelas son algunhas das propostas deste espazo dedicado á literatura.

Ao longo da historia hai unha cantidade inxente de libros que por diferentes motivos foron prohibidos e censurados. Motivos relixiosos, políticos, pola súa temática sexual ou racista… Mª José Villar, responsable da biblioteca de Chapela, lembra algúns dos títulos máis famosos que foron nalgún momento da historio ou nalgún territorio a retiralos dos estantes e achega ideas a todos eses usuarios e usuarias que están a facer o Reto lector convocado dende as Bibliotecas Municipais.