- Este evento pasou.
Samaín en Redondela
Novembro 2 @ 18:30 - 23:00
Programación adiada do venres polo mal tempo:
O “Túnel do Terror” será unha das atraccións estrela. Situado no Paseo do Pexegueiro, este percorrido abrirá as súas portas de 18:30 a 21:30 horas. Recomendado para maiores de 12 anos –e menores acompañados dun adulto–, o espazo avisa: “Traede as vosas lanternas, pois a escuridade agocha sorpresas”.
A noite gañará movemento co “Pasarrúas: Errantes de Troula Animación“, un desfile de pantasmas e figuras errantes que sairá da Praza de Ribadavia ás 19:30 horas.
Non faltará o doce toque: os establecementos de Redondela repartirán lambetadas por cortesía do Concello, convertendo a vila nunha verdadeira “ruta do doce” para os pequenos disfrazados.
O clímax da velada chegará ás 20:30 horas na Praza do Concello co “Rito Ancestral da Queimada, Belenus“. Esta ceremonia tradicional está inspirada na deidade celta do lume.