Xornada sobre a cultura medieval e a elaboración dos códices

San Simón acolle unha xornada arredor da cultura medieval galega e a elaboración dos códices

O vindeiro 3 de outubro, o Consello da Cultura Galega e o Concello de Redondela organizan na illa de San Simón unha xornada sobre cultural medieval baixo o título “O pergameo iluminado: arte, música e tecnoloxía no estudo do códice medieval”. Esta xornada propón unha inmersión nas múltiples vidas do códice medieval, entendido non só como artefacto bibliográfico, senón como soporte de coñecemento e espazo de innovación visual e sonora. A actividade é totalmente gratuíta pero precisa inscrición previa na páxina do Consello da Cultura. O número de prazas é limitado a 60 persoas.