Proxección e debate en torno a memoria histórica

O Colectivo Republicano de Redondela convida á cidadanía a un acto que terá lugar no Multiúsos este venres ás 20:00 horas no que se proxectará a película documental “mentras teña memoria lebrarei” de Antonio Caeiro. Un acto que servirá tamén para adiantar algunhas das imaxes da película San Simón do director Miguel Angel Delgado.

A continuación haberá un debate no que participarán os propios directores, Miguel Ángel Delgado e Antonio Caeiro, o portavoz da Iniciativa Galega pola Memoria, Matías de la Torre  (Director e escritor) e a xornalista e escritora Carolina Sertal. Modera Alicia Tizón.